گئتمه ترسا بالاسی

اذن وئر  توی  گئجه سي  منده سنه  دايه  گليم

ال  قاتاندا  سنه  مشاطه ، تماشايه  گليم

سن بو مهتاب گئجه سي سئيره چيخان بير سرواول

اذن وئر، منده دالونجا سورونوب سايه گليم

منه ده  باخدين  او  شهلا  گؤزوله ، من  قاراگون

جرئتيم  اولمادي  بير  كلمه  تمنايه   گليم

من جهنمده ده باش ياسديقا قويسام  سنيله

هئچ آييلمام كي دوروب جنت  مأوايه  گليم

ننه  قارنيندادا  سنله أكيز  اولسيديم  اگر

ايسته مزديم دوغولوب بيرده بو دنيايه گليم

سن ياتيب جنتي  رؤياده گؤرنده  گئجه لر

منده جنتده قوش اوللام ،كی او رؤيايه گليم

قيتليغ ايللر ياغشي تك قورويوب گؤزياشميز

كوي  عشقونده  گرك بيرده  مصلايه  گليم

سنده صحرايه مارال لار كيمي بير چيخ،نولي كی

منده بير صيده چيخانلار كيمي،صحرايه گليم

آللاهوندان سن اگر قورخميوب ،اولسان ترسا

قورخورام منده دؤنوب دين مسيحايه  گليم

شيخ صنعان كيمی  دونقوز  اوتاريب  ايللرجه

سني بير گؤرمك ايچون معبد ترسايه  گليم

يوخ صنم ! آنلاماديم ، آنلاماديم ، حاشا من

بوراخيم مسجديمي ، سنله كليسايه گليم !

گل چيخاق طورتجلايه، سن اول جلوه ي طور

من ده موسي كيمی ، اوطوره تجلايه گليم

شيردير« شهريار» ين شعری ، الينده شمشير

كيم دئيه ر من بئله بير شيرله دعوايه گليم

گله جک

بو یاساق دیللی ائلین دردینه درمان گله جک

تاپدالانمیش آنانین گؤوده سینه جان گله جک

قورودوب لارسا کؤکوندن بو ائلیمیزین دامارین

بیر گون آمما بو دامار ایچره اینان قان گله جک

بیر زامان لار ائلی آغلاتدی آرازین هارایی

یئنه شنلیک هارایی بیرده آرازدان گله جک

چکدیلر ناحق ایله حق دانیشانلاری دارا

نه یامان گوندو بو آللاه – سویله: ایمان گله جک

گئتدی ستارلار آمما – قانلاری دامدی بو یولا

دیز قویوبلار یئنه ده یوللارا اینسان گله جک

دای گوناه دیر می دانیشماق دا آنانین دیلینه ؛

هاردا یازدین سؤیله آللاه یئنی قورآن گله جک

تالانیب دیر اؤز قیزیل بایراقی آلتیندا ائلیم

آمما بیر گون بیلیرم دونیایا وجدان گله جک

باخین اؤزگورلوک آچیب قوللاری بابک ائلینه

سسیمیزدن (( یاشاسین آذربایجان )) گله جک

گله جک بیزیم دیر

          چيرپينيردين قارا دنيز                                          Çırpınırdın qara dəniz

          باخيب توركون بايراقينا                                       Baxıb türkün bayraqına             

          آه اولمه دن بير گورسه يديم                                 Ah ölmədən bir görsəydim

          دوشه بيلسه م توپراقينا                                       Düşə bilsəm topraqına

          سيرنالار سارسام قولونا                                      Sırnalar sarsam qoluna

          اينجي لر دوزسه م يولونا                                     Incilər düzsəm yoluna

          فيرتينالار دورسون يانا                                        Fırtınalar dursun yana

          يول وئر توركون بايراقينا                                     Yol ver türkün bayraqına

          قافقازلاردان آشاجاغيز                                        Qafqazlardan aşacağız

          توركلويه شان قاتاجاغيز                                      Türklüyə şan qatacağız

          آذربايجان بايراقيني                                             Azərbaycan bayraqını

          قاراباغ دان آساجاغيز                                                 Qarabağdan asacağız

قیزیلدان اولسا قفسیم    آزادلیغا وار هوسیم 

بيرجه شعرلرميز

قفس یاتمیان بلبل خزانین قدرینی بیلمز

محبت بیر کهن می دور،بومی دن ایچمین بیلمز

محبت خانمان سوزدور،بو شمع عالم افروزدور

محبت تیر جان سوزدور،بو تیرنن اولمین بیلمز

محبت بیر اوزاغ یولدور، بو یولدان گدمین بیلمز

محبت بیر گلستاندر،صفالی باغ و بستاندر

محبت بیر یانان اوت دور،چکر شعله یانور عالم

محبت دن یانور عالم،بو اوتدا یانمیان بیلم